Ussa stoppian ils pajais europeics sa preparar per la segunda unda da corona e betg festivar, ha Hans Kluge da la WHO en la gasetta britannica «The Telegraph». Uschia reagescha el sin il fatg che las mesiras cunter la pandemia vegnan schluccadas en divers pajais.
Tema da unda «dubla»
Latiers ha el tema che la segunda unda dal coronavirus pudess gist vegnir il medem mument cun in'unda da grippa u da virustgel. Perquai stoppian ils pajais europeics per tut pretsch nizzegiar il temp ed augmentar las capacitads dals ospitals. Schebain ch’il dumber da cas novs giajan en pajais sco la Gronda Britannia u l’Italia enavos, na muntia quai betg che la pandemia giaja a la fin.