Wladimir Putin vul restar president da la Russia

Tar ina visita en la citad Nischni Nowgorod ha Putin ditg ch'el candideschia il mars 2018 per in'ulteriura perioda d'uffizi.

Wladimir Putin, il president da la Russia. Bild in Lightbox öffnen.

Legenda da maletgs: Wladimir Putin vul restar ulteriurs sis onns president da la Russia. Keystone

Fin uss n'era el betg sa decidì sch'el veglia candidar anc ina giada. Wladimir Putin è gia stà dal 2000 fin il 2008 president da la Russia. Suenter ina perioda d'uffizi sco primminister sut il president Dmitri Medwedew ha el sa laschà eleger il 2012 danovamain sco president. Lura ha el barattà il post cun Medwedew.

Sia candidatura per in'ulteriura perioda d'uffizi n'è nagina surpraisa. Er vali tranter experts sco segir ch'el vegn a gudagnar las elecziuns il mars 2018. Lura fiss Putin president da la Russia per ulteriurs sis onns.

RR novitads 16:00