Xi appellescha a Trump da moderar ils pleds

En la dispita dals manaders dals Stadis Unids e da la Corea dal Nord appellescha la China da moderar il tun – la notg passada surtut vers il president american Donald Trump.

xi jinping Bild in Lightbox öffnen.

Legenda da maletgs: Il president chinais Xi Jinping appellescha da moderar ils pleds. Keystone

Il president chinais Xi Jinping ha appellà il president american Donald Trump da sa moderar en la dispita cun la Corea dal Nord. Appels nunponderads pegiureschian la situaziun gia tendida sin la mesinla coreana, ha ditg Xi tenor in rapport da la televisiun statala chinaisa en in discurs al telefon cun Trump.

Era ha el appellà da tschertgar la via dal dialog e da soluziuns politicas per il conflict enturn il program atomar da la Corea dal Nord. I saja en l'interess communabel da la China e dals Stadis Unids da discharmar la peninsla coreana dad armas atomaras.

Il Tweet da Trump sin ses agen profil da Twitter

Avant aveva Trump declerà e smanatschà vers la regenza a Pjöngjang che schliaziuns militaras sajan gia preparadas cumpletamain. Trump aveva agiuntà «chargià e discharretà».

RR novitads 09:00