Dals bunamain 3'000 delegads dal congress naziunal dal pievel ha la pli gronda maioritad sustegnì la proposta d'abolir la limita d'uffizi da duas giadas 5 onns. Sulettamain dus delegads han vuschà cunter e trais èn s'abstenids da la vusch.
Il president Xi Jinping ch'a 64 onns vala sco il pli pussant politicher da la China dapi decennis. El è daventà l'onn 2013 president ed ha dapi lura modellà enturn il stadi e la partida consequentamain sin sasez.
Ulteriurs pass en questa direcziun ha il parlament chinais era decidì. Quai èn tranter auter ina nova directiva che gida da limitar la critica envers Xi Jinping ed ina nova cumissiun cun blera pussanza da controllar l'apparat statal.
RR novitads 12:00