Il parlament ha elegì il liberaldemocrat Yoshihide Suga sco successur da Shinzo Abe. Cunquai che la partida da regenza ha ina maioritad en il parlament è sia elecziun dad oz be stada ina formalitad. Yoshihide Suga ha 71 onns ed è tranter auter stà pledader da la partida da regenza. El veglia cuntinuar cun la politica da ses antecessur ed anc oz preschentar ses nov cabinet.
Shinzo Abe aveva dacurt annunzià da demissiunar per motivs da sanadad. El è stà il pli ditg en uffizi da tut ils primministers giapunais.
