Siglir tar il cuntegn

Header

Jeroen Dijsselbloem
Legenda: Jeroen Dijsselbloem spetga lungas e difficilas tractativas dals ministers da finanzas da l'euro. Keystone
cuntegn

Exteriur Zais discurs a Brüssel

A Brüssel discuteschan il mument ils ministers da finanzas davart il program da spargn e refurmas che la Grezia ha proponì.

Dumengia suonda l'inscunter suprem da tut ils 28 stadis da l'Uniun europeica. Qua vegn decidì sche la Grezia survegn novs credits u betg.

Tenor il cumissari d'economia da l'UE, Pierre Moscovici, valiteschian la Cumissiun da l'UE, il Fond monetar internaziunal e la Banca centrala europeica las propostas da la Grezia sco «bun punct da partenza» per ils discurs che suondan.

Tractativas stentusas

Il schef da la gruppa da l'euro, Jeroen Dijsselbloem quinta cun tractativas stentusas e difficilas dals ministers da finanzas da l’euro. Tenor el spetgian ins ussa «empermischuns fitg, fitg seriusas» da la Grezia.

Il minister da finanzas tudestg Wolfgang Schäuble vesa a moda sceptica las propostas da spargn e refurma da la Grezia.

RR novitads 18:00

Artitgels legids il pli savens

Scrollar a sanestra Scrollar a dretga