Tgi che cuntrafà al scumond da zuppentar la fatscha duai stuair pajar enfin 1000 francs. Sco segunda chombra ha il cussegl naziunal approvà la lescha federala per realisar l'uschenumnada iniziativa da burka. Il scumond na vala betg mo per vels religius. La nova lescha pertutga per exempel er hooligans u demonstrants violents.
Legenda:
Cussegl naziunal Walter Wobmann, iniziant da l'iniziativa da burka ils set da mars 2021
Keystone
Excepziuns vegnan fatgas tranter auter sch'i va per zuppentar las fatschas en baselgias e moscheas, durant il tschaiver u per motivs da sanadad. La fatschenta è pronta per la votaziun finala.
