La radunanza communala da Favugn ha approvà in credit da bundant 730’000 francs per restructurar il santeri. L'access al santeri duai en avegnir esser liber ed avair nagins obstachels. Uschia vegn er la stgala per il santeri sanada. E la purschida da servetschs schlargiada.
Plinavant han ils da Favugn elegì il presidi e la suprastanza communala. Peter Camastral è vegnì confermà sco president communal per la perioda d’uffizi 2022 enfin 2024. Ed era la suprastanza è vegnida confermada. Da nov en suprastanza è Gian-Andrea Haltiner.