Siglir tar il cuntegn
Inhalt

Emprim d'avust 2016 Co fan ins mousse da gruyère?

Il menu da l'emissiun da l'emprim d'avust 2016 fa bain ir la 'leua', u na?

In taglier schuppa cun entamez, sco ina cula da glatsch ina cula da mousse da gruyère. sin quel en chatschadas duas fluras differentas erbas ed in fegl d'urticla.
Legenda: Bunamain donn da magliar. Però mo bunamain. RTR

Schuppa d’urticlas Mousse da gruyère veder parfumada cun melet …

La schuppa:

Maschadar la maizena cun in pau buglion da giagliom.

Stgaudar il buglion da giagliom, dar tiers la maizena e laschar coier.

Agiuntar las urticlas manizzadas, dar in bugl e cundir tenor gust.

Il mousse da gruyère veder:

Laschar trair il melet en il buglion da legums, lura cular.

Far luar il gruyère veder en il buglion, agiuntar la schelatina.

Laschar sfradar.

Sbatter la groma.

Maschadar las duas massas.

Metter al frestg.

Avant che servir:

Stgaudar la buglia.

Svidar la buglia cun quità en ils plats vids.

Curunar cun in gnochet mousse da gruyère veder.

Decorar cun ina feglia d’urticla frittada e flurs selvadias.

Per la schuppa …

  • 150 g urticlas sbuglientadas e manizzadas
  • 3 dl buglion da giaglinom
  • 1 tschadun grond maizena
  • Sal
  • Paiver
  • Flurs ed ervas selvadias

  • 6 fegls urticlas frittadas

Per il mousse da gruyère …

  • 100 g gruyère veder (da 3 onns)
  • 0,5 dl buglion da legums
  • 1 tschadun da tè melet setgentà
  • 1 fegl schelatina luentada 1,5g
  • 1,5 dl groma