Siglir tar il cuntegn

Header

cuntegn

Fiera da Nadal a Cuira Pli pauc ch’avant la pandemia, ma bun

Ils organisaturs dal Christkindlimarkt a Cuira quintan cun cifras circa 30% pli bassas ch’avant la pandemia. Els èn dentant cuntents, tant cun las cifras sco cun il cumportament dals giasts.

Surtut sajan els leds che la fiera è stada averta enfin il davos di planisà, enfin ils 23 da december. Pertge avant in onn hajan els stuì serrar la fiera gia suenter in’emna. Quai di Beat Spengler ch'ha vendì sin ses stan en la via da la staziun bavrondas chaudas e ch’è cun-organisatur da la fiera.

Nus avain gudagnà insatge, nus n’essan betg vegnì qua per nagut.
Autur: Beat Spengler cun-organisatur

Cun las cifras è Beat Spengler cuntent. Tar el saja il gudogn per circa 30% pli bass ch’il 2019, avant la pandemia. Tar ses collegas saja quai tgunsch sumegliant, tar in forsa in zic pli bler e tar in auter in zic pli pauc.

audio
Christkindlimarkt Cuira: organisaturs èn cuntents cun cifras
ord Actualitad dals 24.12.2021.
laschar ir. Durada: 2 minutas 58 Secundas.

Positiv vesa il martgadant era il cumportament dals giasts. Quests sajan sa tegnids bain vid las mesiras ed era il concept da protecziun haja funcziunà fitg bain. Mo en singuls cas hajan els ni il persunal da segirtad stuì intervegnir.

RTR novitads 06:00

Artitgels legids il pli savens