La 6avla ediziun da la Fiutscher, l’Exposiziun da plazzas d’emprendissadi e furmaziun professiunala ha carmalà 11'000 visitaders e visitadras en la Stadthalle a Cuira, quai da mesemna enfin oz ha communitgà l’organisatura, l’Uniun grischuna d’artisanadi e mastergn.
Tranter auter hajan ins beneventà 117 classas cun total 3’700 scolaras e scolars dal stgalim superiur da l’entir chantun. Els han pudì s’infurmar davart radund 140 furmaziuns da basa e 250 offertas da perfecziunament. La proxima ediziun da la Fiutscher è il 2023.