L’exposiziun da professiuns preschenta davent dals 9 fin ils 13 da november 80 stans, cun ina massa differentas professiuns. Davent dal miradur, sur la frisunza fin tar l'ortulan pon ins emprender d'enconuscher dal tut.
Durant la «Fiutscher» pon scolaras e scolars guardar e dumandar, dentant cunzunt era empruvar ora sez. Raiver sin in pitschen culm, resgiar, construir mirs - quasi tut è pussaivel. E cler che glieud che lavura gia sin il mastergn, po respunder dumondas e declerar tut en detagl.
L’onn 2014, cura la davosa "Fiutscher" ha gì lieu, han radund 11’000 persunas visità l'exposiziun, per emprender d’enconuscher ils 400 differents mastergns e studis che vegnan preschentads.
Actualitad 17:00