Siglir tar il cuntegn

Header

cuntegn

Fläsch Dus töffists blessads tar collisiun

Sonda suentermezdi hai dà ina collisiun tranter dus motociclists sin la Luzisteigstrasse, datiers dal cunfin cun il Principadi da Liechtenstein. Omadus manischunzs èn vegnids blessads tar l'accident.

purtret dal töff che giascha en il prà. Sin via èn da vesair las ambulanzas e la polizia.
Legenda: Dus umens èn collidads cun lur töffs ed èn sa blessads. Polizia chantunala

In giuven da 18 onns è stà da viadi enturn las 15:00 sco ultim d'ina gruppa da trais cun töffs. Els eran da viadi da St. Luzisteig direcziun Balzers. Il medem mument è in giuven da 20 onns charrà cun ses töff en direcziun cuntraria. En la storta lunga tar Pradwisa èn ils dus motociclists collidads. Il giuven da 18 onns è restà cun ses töff sin la via, fertant che l'auter è sa tschentà dasper via en in prà. Omadus motociclists èn vegnids blessads e transportads cun duas ambulanzas en l'Ospital chantunal dal Grischun a Cuira.

La via è stada serrada durant radun duas uras. Ils töffs èn omadus donnegiads ferm. La Polizia chantunala sclerescha anc ils detagls.

RTR novitads 15:00

Artitgels legids il pli savens

Scrollar a sanestra Scrollar a dretga