Al cumenzament da la guerra en l’Ucraina ha il chantun Grischun collavurà cun l'agid svizzer da fugitivs, l’organisaziun che guarda per la protecziun ed ils dretgs da fugitivs.
Igl era in problem da communicaziun.
Per evitar duplicitads haja il chantun Grischun decis da lavurar tenor atgnas structuras. Tenor Marcel Suter, il manader da l'Uffizi da migraziun e da dretg civil saja quai pli simpel da far sez la assegnaziun individuala tar famiglias, cunquai ch'els enconuschan la situaziun en il chantun meglier.
Nus avain schazegià la collavuraziun.
Cifras e fatgs
Per il mument èn il Grischun registradas 1’089 persunas cun il status S, 955 dad els han chattà in dachasa tar famiglias ospitantas. Fin la fin da l’onn 2022 spetga il chantun 7’500 fugitivs da l’Ucraina.