Siglir tar il cuntegn

Header

audio
Gastronomia GR: Las ustarias marschan, ma l'atun fa quitads
Or da Actualitad dals 29.07.2021.
laschar ir. Durada: 03:23 minutas.
cuntegn

Gastronomia Cun ils ustiers e las ustieras vai (anc) bain

Per las ustarias en il chantun Grischun saja la situaziun actualmain buna. Quai ha ditg Franz Sepp Caluori, president da Gastro grischun envers RTR. El fetschia dentant quitads en vista a l'atun e l'enviern.

La malsegirtad davart tge che capita puncto Corona l'atun che vegn, fetschia quitads ad el, di Franz Sepp Caluori. «Las ustarias na dastgan betg pli vegnir sarradas e las distanzas endadens ston vegnir reducidas», pretenda el. Mintga ustaria haja endadens anc tschintg enfin diesch maisas be sco decoraziun, perquai che las distanzas stoppian vegnir resguardadas.

Il mument possian quests plazs per part anc vegnir cumpensads cun las terrassas. Ma gist tar las ustarias cun be ina pitschna u nagina terassa na giaja quai era tar bun'aura betg bain. Per l'atun e l'enviern giavischa il gastronom che blera glieud – era la glieud giuvna – sa laschia vaccinar. «Uschia pudessan nus entschaiver normal la stagiun d'atun», spera Franz Sepp Caluori.

RTR actualitad 17:00

Artitgels legids il pli savens

Scrollar a sanestra Scrollar a dretga