Siglir tar il cuntegn

Header

audio
1 onn GR digital – Tge è marschà e tge vegn?
Or da Actualitad dals 10.05.2022.
laschar ir. Durada: 3 minutas 24 Secundas.
cuntegn

GRdigital Valitar projects digitals

La societad GRdigital ha surpiglià l’incumbensa dal chantun da promover la digitalisaziun en il Grischun. Per questa finamira ha il Cussegl grond numnadamain mess a disposiziun 40 milliuns francs.

Tgi survegn daners?

La lezia da la societad è da bajegiar ina punt tranter ils iniziants ed il chantun. GRdigital survegn dumondas dad iniziants ed examinescha ils projects sin basa da lur lescha e premissas. La societad dat vinavant ina recumandaziun al chantun, sche quest project duai survegnir sustegn finanzial. En lur emprims projects gioghia la lingua ina gronda rolla, l'intelligenza artifiziala e martgads digitals, di il president da GRdigital, Jon Erni.

Il prim pass impurtant è da rabitschar tras ils projects, nus essan curt avant pudair far quai.
Autur: Jon Erni president da GRdigital

In gremi d’experts da GRdigital valitescha ils projects. Quai saja ina gruppa da quatter persunas e tut tenor project vegnan vitiers persunas dal fatg externas. Impurtant saja che las persunas che valiteschan ils projects sajan neutralas e n'hajan nagina relaziun culs iniziants.

Nus piglian persunas spezialisadas che n'èn betg pertutgadas, uschia ch'ellas pon decider neutral.
Autur: Jon Erni president da GRdigital
Jon Erni che sesa en in biro
Legenda: Jon Erni, il president da GRdigital RTR, Milena Bassin

RTR actualitad 17:00

Artitgels legids il pli savens