In giuven da 14 onns che mava cun in moped è mort dumengia tar in accident sin la via naziunala H28 datiers da Landquart. In automobilist da 62 onns che charrava en direcziun da l'access a l'autostrada A13 è vegnì sin il vial oppost. Là saja el collidà cun dus autos e cun dus mopeds, scriva la Polizia chantunala. Entant ch'in dals manischunzs da moped è mort anc al lieu ha la Rega sgulà il segund cun grevas blessuras en l'Ospital chantunal a Cuira. L'um da 62 onns è sa blessà levamain. La via naziunala è stada serrada durant quatter uras.
audio
Tadlar las novitads da las 15:00
ord RTR Audio dals 11.10.2021.
laschar ir. Durada: 2 minutas 15 Secundas.