Per il mument saja la situaziun en ils ospitals anc da dumagnar, malgrà che dapli persunas ston vegnir tgiradas en l'ospital pervi da corona. Tut tenor staziuns datti dentant differenzas.
Sin las staziuns normalas e las staziuns dad isolaziun hajan ins anc avunda capacitads. Pli critic saja però la situaziun sin las staziuns intensivas, declera Reto Keller da la Federaziun chantunala per ospitals e chasas da tgiras.
Actualmain vegnan 18 persunas tgiradas en l'ospital pervi da corona. 4 da quellas sa chattan sin la staziun intensiva e 3 dovran agid da respirar (stan 1. settember),
Finamira: 800 vaccinaziun per di
En vista a l'enviern vulan ils responsabels dal chantun vaccinar radund 800 persunas a di per esser pront sin la stagiun d’enviern – cura ch’ils ospitals vegnan puspè ad esser pli plain pervi d'accidents.