La polizia chantunala avertescha la populaziun da sa proteger da cugliunaria entras inserats. Ils ultims mais saja cumparì en pliras medias da print inserats che carmalian cun offertas lucrativas per tgi che vul vender mobiglias, maletgs, pails u er bischutaria d'aur.
Al lieu vegnian ils vendiders però sfurzads da vender la rauba per in pretsch in toc sut la valita. En auters cas vegnia gist engulà la rauba or da las atgnas quatter paraids tar las cussegliaziuns. Tar ils inserats èsi savens be inditgà in num ed in numer da telefon. La polizia parta dal fatg ch'entirs clans stettian davos questas maschas.