Glisch verda per la correcziun da la via da Cuira a Malix. La regenza grischuna ha approvà in project per curreger l'uschè numnada via dal Güglia. L'ultima amplificaziun generala da la via dal Güglia è vegnida fatga durant ils onns 1930. Dapi lura han ins meglierà successivamain divers tschancuns.
La regenza ha ussa approvà in project per la correcziun da la via sin il traject da las stortas da Kapella fin Malix. En il rom dal project vegn la via tranter auter schlargiada a 6,5 meters. En pli vegn endrizzà in vial per velos ed i dat mesiras da protecziun cunter la canera. Il project vegn a custar circa 12 milliuns francs.