En il Grischun va la quota da las persunas che retschaivan agid social vinavant enavos. Il 2022 han cun radund 2'328 persunas bun 210 damain fatg diever da l'agid social, quai cumpareglià cun l'onn avant. La quota è uschia sa sbassada sin 1,2%, sco che l'Uffizi dal servetsch social scriva en sia communicaziun cun las novas cifras.
Il chantun Grischun ha cunquai ina da las pli bassas quotas da l'agid social en Svizra. L'onn 2022 era la media naziunala tar 2,9%. La raschun principala che persunas en il Grischun han pudì sortir da l'agid social è che lur situzaiun da gudogn è sa meglierada.
Damain novas entradas
Il 2022 hai cun 447 dossiers averts dà cleramain damain novas entradas ch'ils onns avant. L'onn avant èn quai stads 467, il 2020 590 dossiers. Quai demussa ina buna situaziun economica cun ina pli gronda dumonda da lavur. Correspundentamain è er la quota da dischoccupaziun en il Grischun sa reducida dad 1,5% l'onn 2021 ad 1% l'onn 2022.
