Siglir tar il cuntegn

Header

audio
100 dis en uffizi cun Carmelia Maissen e Martin Bühler
Or da Actualitad dals 06.04.2023. Maletg: rtr
laschar ir. Durada: 3 minutas 25 Secundas.
cuntegn

100 dis L'entschatta è dumagnada

Ils dus novs cussegliers guvernativs Martin Bühler e Carmelia Maissen fan bilantscha da lur emprims 100 dis en uffizi.

Bun 100 dis mainan els dus ussa gia lur departaments: Carmelia Maissen ch'ha surpiglià il departament d'infrastructura, energia e mobilitad e Martin Bühler ch'è da nov al timun dal departament da finanzas e vischnancas. Tuts dus sa mussan cuntents cun lur emprims mais en uffizi.

A l'entschatta giaja per la gronda part per sa leger en ils dossiers, ils projects e las proceduras – e cunzunt per emprender d'enconuscher ils collavuraturs e las collavuraturas. Martin Bühler haja gia pudì visitar las regiuns e tar Carmelia Maissen stettia quai anc sin il program per ses emprim onn.

video
Carmelia Maissen e Martin Bühler - 100 dis en uffizi
Or da Telesguard dals 04.04.2023.
laschar ir. Durada: 1 minuta 59 Secundas.

Quels emprims bunamain 100 dis sajan stads fitg interessant per tuts dus. Per Martin Bühler sajan quai stads dis fitg variants e nagin di saja stà medem sco l'auter. El haja era constatà ch'el haja fitg bleras differentas rollas – e ch'il temp per mintga singula rolla saja plitost rar. Uschia dubitescha el ch'el vegnia ad avair lungurella ils proxims quatter onns. Carmelia Maissen haja emprendì ina massa da nov en quel emprim temp – surtut sch'i giaja per la tematica zunt cumplexa da l'energia.

Omadus sa sentian pronts e s'allegrian fitg sin quels quatter onns en lur departaments.

RTR Telesguard 17:40

Artitgels legids il pli savens