Siglir tar il cuntegn

Header

cuntegn

100 onns auto da posta en GR Pervi dal scandal – nagina gronda festa

Pervi dal scandal da subvenziuns ch'è vegnì public l'onn passà na datti betg ina gronda festa per l'AutoDaPosta SA per lur giubileum da 100 onns en il Grischun.

Ils 15 da zercladur 1919 è l'emprim auto da posta charrà en il Grischun davent da Reichenau en direcziun da Flem. 100 onns pli tard charrescha il manaschi radund 11 milliuns passagiers tras l'entir Grischun. Atgnamain è il manaschi AutoDaPosta SA in cun grond success en noss chantun.

audio
Saira: AutoDaPosta festivescha giubileum da 100 onns
ord Actualitad dals 14.06.2019.
laschar ir. Durada: 2 minutas 7 Secundas.

Scandal da subvenziuns bitta sia umbriva

Pervi dal scandal da subvenziuns ch'è vegnì public l'onn passà è la gronda festa da giubileum vegnida stritgada. I vegn festivà, dentant en ina moda bler pli pitschna. Tuttina veglia l'AutoDaPosta SA far in regal a las collavuraturas ed ils collavuraturs ed a las passagieras ed ils passagiers en il Grischun tar il di da giubileum.

Il manader dal manaschi Svizra orientala, Walter Schwizer, mira tuttina gia en il futur. Sin l'AutoDaPosta SA spetgan differentas sfidas, tranter auter la midada da clima u alternativas furmas da mobilitad. Medemamain emprovan els mintga di da puspè meglierar il maletg dal manaschi, che ha patì pulit cun il scandal da subvenziuns.

RR actualitad 17:00

Artitgels legids il pli savens