Siglir tar il cuntegn

Header

Navigaziun

cuntegn

Grischun 13 milliardas per la rait da viafier dal futur

Il Cussegl dals chantuns vul investir enfin il 2035 var 13 milliardas francs en l’infrastructura da la viafier. Quai è quasi ina milliarda dapli che quai ch’il Cussegl federal aveva proponì. Er il chantun Grischun profita.

Staziun da Landquart cun tren da Viafier retica.
Legenda: Er la staziun da Landquart profitass da las investiziuns en la rait da viafier. Keystone

Profitar da las investiziuns en l'infrastructura da viafier duai er il chantun Grischun. Uschia èsi planisà da modernisar la staziun da Landquart e bajegiar in perrun communabel da la Viafier retica e da las Viafiers federalas. Plinavant duai il tschancun da la Viafier retica en il Partenz vegnir bajegià ora – tranter auter cun in tunnel a Fideris. Cun questas mesiras duai la punctualitad dals trens vegnir meglierada, cunzunt quai che pertutga las colliaziuns vers Turitg u Son Gagl. Il project da svilup strategic 2035 duai ultra da quai meglierar l'infrastructura da tren sin la lingia dal Bernina tranter San Murezzan e Tirano.

Tut en tut duain vegnir investì prest 180 milliuns francs en l’infrastructura da la viafier en il Grischun.

Probabel en la sessiun da stad tracta il Cussegl naziunal la fatschenta.

RR novitads 12:00