In um Talian haja vulì importar illegalmain 135 liters etanol – pia alcohol schuber – en il Grischun. Sco l'Uffizi federal per duana e segirtad dal cunfin ha communitgà, saja l'incident capità ils 21 da matg. A la duana da La Dossa sur Zernez è l'um vegnì tschiffà.
Durant ina controlla haja il persunal da duana chattà tozzels buttiglias d'aua, da latg e da schampo en l'auto dal Talian – tuttas emplenidas cun etanol. Per quai import illegal ha il Talian survegnì in aut chastì. Quel haja el paja direct al lieu. Damai che l'um n'haja dentant betg vulì pajar taxas per pudair importar l'alcohol legalmain, ha el stuì turnar cun la rauba en l'Italia.