La vischnanca da Tavau vul far ina fin a l'uschénumnà littering ed introducescha perquai multas. A partir dal prim da fanadur sto tgi che lascha enavos rument u dismetta quel illegalmain quintar cun in chastì da fin 150 francs, communitgescha la vischnanca.
Surpassà ils cunfins
Il littering haja surpassà il cunfin en lieus populars sco plazzas da gieus u er puncts panoramics, uschia l'arugment. Là haja adina puspè bler rument giun plaun sco buttiglias, rests da mangiar u schizunt pezs duvrads. Sco la vischnanca scriva vinavant na fa l'uschènumnà «littering» betg be donn a la natira ed al maletg dal lieu turistic, mabain era ils animals da niz e selvadis crappan cun bler dolurs sch'els maglian quai. Plinavant attira il rument er lufs ch'èn sin tschertga da migliar.
Las controllas vegnan fatgas da la polizia communala e dal persunal da Securitas. Era sch'il littering è gia pli ditg scumandà, na devì fin ussa naginas multas auter che per satgs da rument che vegnan dismess fallà.