172 onns «Maiensässfahrt» - Ils uffants e giuvenils da Cuira èn puspè stads sin las aclas

La Maiensässfahrt da Cuira tutga tar las tradiziuns las pli impurtantas da la citad – e quai dapi 172 onns. A l'occurrenza da quest onn dals 21 da matg 2026 èn danovamain prest 2’900 scolaras e scolars sa mess ensemen cun lur scolastas e scolasts la damaun baud sin via en direcziun da las aclas da Cuira.

Suenter la partenza a las 6:55 èn las classas sa repartidas sin differentas rutas: Las scolaras ed ils scolars pli giuvens èn viandads sin il Mittenberg, entant che las 3. fin 6. classas èn sa drizzadas vers las destinaziuns Nadig, Wisshütte e Fülian. Ils giuvenils pli vegls èn ids vinavant direcziun Haldenstein ad Arella u las 9avlas classas perfin a Juchs.

Til costumà cun il motto «Chasas da scola da Cuira»

Suenter il di sin las aclas èn ils uffants turnads la saira en citad. Il punct culminant è stà il til tradiziunal da la plazza Son Martin vers la Quaderwiese. Quest onn èn las «Chasas da scola da Cuira» stadas en il center: las classas èn sa preschentadas correspundentamain costumadas e creativas.

La fin dal di en ils auts hai gì num «Mora isch schualfrei!». Per las scolaras ed ils scolars forsa in motiv dapli da sa legrar, quai prolunghescha anc ina giada la fin d'emna gia pli lunga da Tschuncaisma.

La Maiensässfahrt da dis ditg passads

In sguard en ils onns passads