Il cussegl guvernativ da Turitg metta a disposiziun 3,8 milliuns francs dal fond da lottaria. Cun quests daners duajan 15 projects en regiuns muntagnardas vegnir sustegnids. La gronda part da questa summa va al chantun Grischun: El survegn 2,4 milliuns francs, tranter auter per la protecziun cunter lavinas en la Val d’Alvra ed en la Val Calanca.
Dasper il Grischun profiteschan quest onn er ils chantuns Tessin, Uri e Vallais da questa donaziun. Gist en quest temp difficil saja impurtant da mussar solidaritad cun las regiuns muntagnardas, scriva la regenza turitgaisa.