2 grischunas èn campiunessas svizras da la sanadad

Al champiunadi svizzer da professiuns per spezialistas da sanadad («Fachfrauen Gesundheit FaGe») han las 2 grischunas Irina Tuor e Livia Benesch fatg l’emprim ed il segund rang. Quai communitgescha l'Oda Santé, l'organisaziun tetgala per la sanadad en Svizra.

Las 3 dunnas, straglischontas sco lur medaglias. Bild in Lightbox öffnen.

Legenda da maletgs: Ellas èn las meglras - (da san.) Livia Benesch (GR), Irina Tuor (GR) ed Angelina Signer (AI). mad

Irina Tuor aveva 19 concurrentas, scriva l'Oda Santé plinavant. En la concurrenza avevan las candidatas da dumagnar situaziuns fictivas cun persunas da simulaziun.

Irina Tuor haja uss bunas schanzas da prender part als champiunadis mundials ad Abu Dhabi l’atun 2017. Per sa qualifitgar haja elldentant da far discurs ed examens cun l’organisaziun professiunala tetgala per la sanadad en Svizra, scriva quella. Pir suenter saja ella libra per la participaziun al team dals champiunadis mundials.

Il champiunadi svizzer da professiun è stà dals emprims enfin ils 4 da settember a San Galla. Las dunnas èn vegnidas da 10 chantuns svizzers – tranter da quels era dal Grischun.

RR novitads 14:00