Er sche Martin Wetten na po betg pli en sia veglia uniforma da la Swissair, ha el tuttina prendì ella per nus or da sia scaffa - ensemen cun insaquantas ragurdientschas. Durant il grounding da la Swissair avant 20 onns era Martin Wetten Maître de Cabine, ed el n'avess mai cartì, che quai possia chapitar. Anc oz ha el magari pel gaglina da patertgar vid il grounding.
Quai è stà per nus tuts in grond schoc, nagin na saveva sco quai va enavant.
Per Martin Wetten èsi ì enavant uschia: Suenter 30 onns tar la Swissair ha el sco emprim lavurà anc in temp per la Crossair, suenter lura per la successura, la Swiss. En tut ha el lavurà anc 5 onns per las novas patrunas avant ch'el e ì en pensiun, dentant i saja schont stà in zic auter che avant.
Quai era sco sche la viafier retica avess surprendì la viafier federala.
Passa 18 000 uras ha Wetten passentà en l'aria, quai èn, quintà ensemen, passa 2 onns da sia vita.