Totalmain haja dà la fin d'emna passada radund 30 accidents, uschia René Schuhmacher da la Polizia chantunala. Tar la mesadad dals accidents sajan vehichels dad auters chantuns stads involvids.
Cunzunt la sonda han automobilists gì da cumbatter cun situaziuns difficilas sin via. Las bleras vias grischunas èn stadas cuvertas cun naiv. La sonda da mezdi han automobilists da vehichels senza tracziun a quatter rodas stuì montar chadainas, quai da Glion a Rehanau/La Punt, da Cuira a Lai sco er sur ils Pass dal Güglia e Wolfgang.
Grondas colonnas n'hai però betg dà, quai cun excepziun da la via principala en il Partenz. Motiv è stà in accident sin la punt da Sunniberg a Claustra.
RR actualitad 12:00