Siglir tar il cuntegn

Header

cuntegn

45avla giada 30'000 persunas èn stadas al tschaiver a Cuira

Il til da tschaiver a Cuira ha attratg da quai da 30'000 aspectaturas ed aspectaturs en la chapitala grischuna. 41 furmaziuns èn sa participadas al cortegi tras la citad ch'i dat entant gia dapi 45 onns, e ch'è in dals pli gronds eveniments annuals a Cuira. Tenor la polizia da la citad haja tut funcziunà senza incaps – il concept da segirezza saja danovamain sa cumprovà, hai num en la communicaziun. Per dar dumogn a las incumbensas – era dal traffic – vegn la polizia da la citad sustegnida da la polizia da la protecziun civila e dad in servetsch da segirezza privat.

La polizia saja stada en servetsch en 34 cas, scriva la polizia da la citad da Cuira. Duas persunas èn vegnidas en cellas da dischintoxicaziun, in ha pers il permis pervi dad ir cun auto alcoholisà ed ina persuna è vegnida blessada en in accident sin via, ella è blessada levamain.

Or da l'archiv:

video
2016: Confettis e guggas – tschaiver a Cuira
Or da Actualitad dals 06.02.2016.
laschar ir. Durada: 3 minutas 32 Secundas.

RTR novitads 18:00

Artitgels legids il pli savens