Siglir tar il cuntegn

Header

da sanester Renate Rutishauser, Melanie Rupf (omadus da la secziun grischuna da l'associaziun svizra dal persunal da tgira), Thomas Hensel (sindicat VPOD) e Samuel Nadig (secziun grischuna da l'associaziun dals medis superiurs e d'assistenza).
Legenda: Da sanester Renate Rutishauser, Melanie Rupf (omadus da la secziun grischuna da l'associaziun svizra dal persunal da tgira), Thomas Hensel (sindicat VPOD) e Samuel Nadig (secziun grischuna da l'associaziun dals medis superiurs e d'assistenza). RTR, H. Schär
cuntegn

Grischun 5 emnas vacanzas per persunal da tgira

L'allianza per la buna sanadad grischuna pretenda 5 emnas vacanzas per il persunal da tgira.

Cun agid d'ina petiziun vulan il sindicat VPOD, las secziuns grischunas da l'associaziun dal persunal da tgira sco era da l'associaziun dals medis superiurs e d'assistenza sco era l'uniun da las spendreras da la Svizra orientala pretender meglras cundiziuns da lavur. A la conferenza da medias han las 4 organisaziuns argumentà ch'ils chantuns vischins hajan gia ussa almain 23 fin 25 dis vacanzas. Il Grischun stoppia perquai era meglierar las cundiziuns da lavur per betg perder persunal.

Pretensiun enconuschenta

L'associaziun da spitals e casas da tgira, per schidadir ils patruns, semussia adina averta per discurs. La pretensiun da 5 jamnas vacanzas saja bain enconuschenta ad els, tuttina na veglia l'associaziun d'ospitals betg restrenscher memia fitg la libertad dals menaschis ha ditg il mainafatschenta da l'associaziun d'ospitals e chasas da tgira, Franco Hübner.

I saja era da resguardar la situaziun geografica entaifer il chantun. Betg tuttas regiuns en il Grischun hajan ils medems problems, uschia veglian els formular sulet pretensiuns fundamentalas. Ils manaschis sajan lura pli libers. Era pertutgant in contract da lavur collectiv na vesia l'associaziun il mument negin basegn d'agir.

Il di internaziunal da la tgira, ch'è mintg'onn ils 12 da matg, cumenza l'allianza a rimnar suttascripziuns per uschia dar anc dapli impurtanza a lur pretensiun. Rimnà suttascripziuns vegn fin ils 25 d'avust 2015.

RR novitads 12:00

Artitgels legids il pli savens

Scrollar a sanestra Scrollar a dretga