Grischun - 5 onns praschun per contabilist da Blocher
L'anteriur schefcontabilist da Christoph Blocher tar la Ems-Chemie sto uss ir definitivamain 5 onns en praschun. La dretgira federala ha renvià in plant da l'um tudestg da 78 onns cunter in chastì da la dretgira chantunala grischuna.
L'anteriur schefcontabilist aveva pretendì ina reducziun dal chastì sin 35 mais privaziun da la libertad cundiziunà parzialmain. Gia l'avrigl avant in onn era el vegnì sentenzià definitivamain ad in pajament da recumpensaziun a la Ems-Chemie da 10 milliuns francs. La procedura penala ha cuzzà en tut 10 onns.
