Siglir tar il cuntegn

Header

cuntegn

Grischun 500 onns refurmaziun - er il Grischun fa festa

L'onn 1517 vala sco l'onn da la refurmaziun. L'onn 2017 vegn perquai festagià en l'entira Europa il giubileum da 500 onns refurmaziun. En il Grischun èn planisads ina massa projects ed occurrenzas.

audio
Mezdi: 500 onns refurmaziun – las festivitads en il GR
ord Actualitad dals 03.02.2016.
laschar ir. Durada: 2 minutas 32 Secundas.

Ins veglia porscher insatge per mintgin, di Miriam Neubert che sesa en la gruppa da lavur ch'organisescha il giubileum da 500 onns refurmaziun tar la Baselgia evangelica refurmada dal Grischun. Occurrenzas per scolars e seniors, giasts ed indigens e surtut per persunas che stattan datiers a la baselgia e per quels ch'èn pli lunsch davent dad ella.

Il catalog da projects è lung

Cumenzar cumenza l'onn da festa il schaner cun la visita dad in camiun d'infurmaziun, che fa in viadi tras l'entira Europa e che fa era in stop a Cuira. En pli dat i dietas, discussiuns, teaters, viadis ma era material d'instrucziun, material da liturgia ed in guid da viadi cun propostas per excursiuns per sa metter sin ils stizzis da la refurmaziun.

Il focus en Grischun metta la Baselgia evangelica refurmada dal Grischun sin las duas citads da refurmaziun Glion e Cuira. Per questas duas citads vegni a dar ina app per il telefonin cun in guid da citad cun focus sin la refurmaziun. Per quai vegnan era ils guids da citad scolads.

Render attent a las ragischs

La finamira da l'entir onn da giubileum è da render attent a las ragischs, declera Miriam Neubert. Damai da render attent a l'istorgia da la refurmaziun e da sa dumandar puspè ina giada, pertge che la la politica è s'engaschada avant 500 onns per la refurmaziun e tge che quai munta anc oz per ils refurmads.

Artitgels legids il pli savens