-
Bild 1 von 5. La maschina è ina occasiun da San Murezzan e tutga al club da skis. Bildquelle: RTR, Tona Poltera.
-
Bild 2 von 5. Hannes Mayer (san.), responsabel per il passlung tar il club da skis Scardanal Panaduz, ed il maschinist Remo Camenisch. Bildquelle: RTR, Tona Poltera.
-
Bild 3 von 5. Pront per preperar la loipa da Panaduz. Bildquelle: RTR, Tona Poltera.
-
Bild 4 von 5. Otg kilometers loipa datti a Panaduz – almain en il cas ideal. Bildquelle: RTR, Tona Poltera.
-
Bild 5 von 5. Hannes Mayer – il «mister passlung» da Panaduz. Bildquelle: RTR, Tona Poltera.
«In enviern da siemi!», resumescha Hannes Mayer la situaziun. Il responsabel da passlung dal club da skis «Scardanal Panaduz» è natiralmain cuntent: «Tanta naiv sco ussa hai ils davos 20 onns betg dà a Panaduz».
Per la loipa è il club responsabel. Da la vischnanca vegn mo in pitschen sustegn finanzial. Il club porta ils cuosts, sco per exempel avant dus onns cura ch'ins ha cumprà ina maschina da far loipas d'occasiun. Da ristgar quel pass saja dentant stada ina simpla decisiun – grazia il fitg bun resun da la populaziun. L'idea era numnadamain da terminar da porscher ina loipa.
Center da passlung per la regiun
Da Tusaun enfin Cuira vegnan las persunas per far ina u pliras rundas a Panaduz. Grazia a sia topografia fitg simpla vesan ins a Panaduz fitg bleras persunas pli attempadas sin las loipas – e quest enviern er bleras persunas ch'han cumenzà pervia da corona cun il sport.