Siglir tar il cuntegn

Header

purtret d'in bloc da betun amez la cuntrada.
Legenda: L'implant militar a St. Luzisteig fotografà il 2009. Keystone
cuntegn

A partir dal favrer Requirents d'asil a St. Luzisteig

La Svizra saja anc adina confruntada cun in aut dumber da requirents d'asil, perquai metta il militar a disposiziun alloschis e persunal.

L'implant militar St. Luzisteig da manaivel da Fläsch serva a partir dal favrer fin il matg sco alloschi per persunas che tschertgan asil. Il Secretariat da stadi per la migraziun SEM ha confermà in rapport da la gasetta «Prättigauer & Herrschäftler». La plazza d'armas duai porscher suttetg a 325 persunas da l'Ucraina, ma er dad auters pajais. Ellas duain passentar maximalmain 140 dis là, avant ch'ellas vegnan assegnadas ad in chantun.

Dasper l'implant a St. Luzisteig vegnan en in'emprima fasa mess a disposiziun ils implants a Fribourg, Bure e Dübendorf, quai gia a partir da l'entschatta 2023. En in segund pass suondan lura ils implants da Thun e St. Luzisteig (favrer 2023).

Armada metta a disposiziun er persunal

Per che quests implants possian vegnir manischads, vegn mess a disposiziun persunal dal militar. Gia en acziun sajan enturn 140 persunas en servetsch civil. Plinavant po il SEM clamar ulteriuras 500 persunas da l'armada en acziun, en cas ch'i vegniss necessari.

RTR novitads 12:00

Artitgels legids il pli savens

Scrollar a sanestra Scrollar a dretga