Legenda:
(da san.) Il cumandant da polizia futur Andrea Deflorin, il president da la citad Urs Marti ed il cumandant actual da la polizia Ueli Caluori.
Polizia da la citad da Cuira
cuntegn
A partir dal mars 2023 - Andrea Deflorin daventa nov cumandant da la polizia a Cuira
La citad da Cuira survegn in nov cumandant da polizia. Andrea Deflorin surpiglia a partir dal prim da mars 2023 la direcziun da la polizia da la citad.
Andrea Deflorin succeda ad Ueli Caluori che va suenter 20 onns a la testa en pensiun, quai ha communitgà la citad da Cuira. Cumenzà ha Deflorin tar la polizia chantunala ed è stà il substitut dal schef da servetsch tar la polizia criminala. L’onn 2012 ha el midà tar la polizia da la citad da Cuira e maina oz – en il rom d’in uffizier – la partiziun support e polizia da mastergn.
Ueli Caluori va en pensiun suenter bunamain 30 onns polizia da la citad da Cuira. Caluori è entrà l’onn 1992 en il corp sco cumandant substitut ed è vegnì nominà l’onn 2003 sco cumandant da quel.
