Mesemna suentermezdi era l'automobilista da 76 onns da viadi da Roveredo en direcziun Arvigo cura ch'ella è collidada cun ina saiv da vart dretga. L'auto è sin quai sa derschì sin la vart. Tenor la Polizia chantunala supponiv'ins l'emprim mument che la dunna saja serrada en l'auto. I saja però gartegià a la patruglia da polizia cun agid d'in team d'ambulanza e d'ulteriuras persunas al lieu da liberar la dunna or da ses auto. Ella è vegnida trasportada en l'ospital da Bellinzona.
La Polizia chantunala sclerescha co che l'accident è capità exactamain.
Legenda:
L'auto cupitgà sin la via principala.
Polizia chantunala dal Grischun