Tranter il 2008 ed il 2018 èn vegnidas midadas enturn en il Grischun 30 da las anteriuras 176 alps da vatgas en alps per vatgas mamma, arments u biestga giuvna.
Per Valentin Luzi da l'Uffizi d'agricultura dal Grischun n'èn quai betg bunas novitads. Uschia na dettia numnadamain er damain latg sin las alps e sco consequenza pli pauc chaschiel d'alp. L'onn passà ha il Grischun cun 5'700 tonnas producì 400 tonnas chaschiel pli pauc ch'anc avant 10 onns. Positiv vi da quest svilup saja dentant, che las alps da latg restantas sajan occupadas meglier.
RR novitads 06:00