Il Departament da construcziun, traffic e selvicultura (DCTS) survegn in nov num. A partir dal prim d’avrigl sa numna el «Departament d’infrastructura, energia e mobilitad» (DIEM). Il nov num tudestg è «Departement für Infrastruktur, Energie und Mobilität», il nov num talian sa cloma «Dipartimento infrastrutture, energia e mobilità». En tut las trais linguas chantunalas porta il departament pia en l'avegnir la medema abreviaziun DIEM, communitgescha la regenza grischuna.
Cun la nova designaziun dal departament vegnian ils champs da cumpetenza e d’activitad descrits pli precis e confurm al temp. Quai saja in dals motivs per il nov num.
RTR novitads 09:00