Betg mo cunter Pierin Vincenz mabain er cunter sia dunna Nadja Ceregato investighescha la procura publica da Turitg. Ella vegn suspectada d'avair violà il secret da fatschenta. Sco adina vala en la fasa actuala da la procedura la presumziun d'innocenza. Sch'ins vegn sentenzià pervi da violaziun dal secret da fatschenta ston ins quintar cun in chasti pecuniar u d'ir en praschun per fin trais onns.
Inquisiziun independenta
Sco quai che la Handelszeitung scriva, saja l'inquisiziun cunter l'anteriura schefadvocata da la banca Raiffeisen independenta da las inquisiziuns cunter Pierin Vincenz. La procura publica investigheschia cunter Nadja Ceregato perquai ch'ella pudess avair violà secrets da fatschenta. Dapi il favrer 2018 vegn investigà cunter Vincenz pervi da gestiun malfidaivla.
RR novitads 14:00
