L'onn da fatschenta 2019/2020 ha l'Agid d'enviern dal chantun Grischun survegnì passa 146 dumondas da sustegn. En tut èsi vegnì sustegnì persunas en povradad cun 102'000 francs, quai èn bun 16'000 francs dapli che anc l'onn avant. Cunzunt persunas ch'educheschan sulettas e famiglias èn savens pertutgadas da povradad. Bun trais quarts da las dumondas derivan da questas gruppas.
Agid d'enviern / Winterhilfe
Avrir la boxSerrar la box
La fundaziun ha ses num dals onns trenta. Lura sa focussava ella cunzunt sin gidar persunas che n'avevan betg avunda resti chaud durant l'enviern. Ozendi porscha la fundaziun dentant agid durant l'entir onn. Saja quai agid finanzial ubain agid da material (vestgadira). La fundaziun è da chasa en l'Uffizi social dal chantun che metta a disposiziun persunal e localitads. L'Agid d'enviern è però avisà sin donaziuns da la populaziun.
