Siglir tar il cuntegn

Header

video
Protecziun dal clima: Ils purs e las puras dal Grischun fan lavur da pionier
Or da Telesguard dals 22.10.2020.
laschar ir
cuntegn

Agricultura e clima Ils purs grischuns sco pioniers

Gia tar l'agricultura biologica han ils purs grischuns tutgà tar ils pioniers. Ed er tar il pass envers in'agricultura neutrala al clima tutgan ils purs grischuns puspè tar ils emprims.

Schi va per chaschunar emissiuns da gas cun effect da serra – lura tutga l'agricultura tar ils top 4 da la Svizra. Cun 13% da las emissiuns vegn l'agricultura gist suenter il traffic, l'industria e las chasadas. Perquai saja cler ch'ins haja d'agir.

Uschia è naschì – sin iniziativa da la branscha sezza – in project da pilot en il Grischun, il project «Agricultura neutrala al clima Grischun». En quel rom mettan 50 purs e puras sur ils proxims 5 onns en pratica la teoria – quella è per gronda part gia avant maun. Uschia vulan purs e puras chattar ora, tge che funcziunescha e tge betg. Las praticas che sa cumprovan durant ils proxims 5 onns duajan suenter vegnir surpigliadas da tut ils purs grischuns.

La motivaziun è gronda, perquai che las puras ed ils purs na chaschunan betg mo il problem – els pateschan era dal problem. Da lavurar cun la natira è vegnì pli pretensius ils davos onns cun aura adina pli extrema. Perquai saja uss nairas uras d'agir. Da quel avis è era il chantun che sustegna il project da pilot cun 6,4 milliuns francs.

RTR Telesguard 17:40

Artitgels legids il pli savens

Scrollar a sanestra Scrollar a dretga