Las lavurs d'Albert Anton Willi duain survegnir in pitschen museum a Domat. En la «Residenza Ensemen» – ch'è actualmain en construcziun – duain las mascras chattar in nov dachasa l'entschatta dal 2026. La vischnanca politica e la vischnanca burgaisa da Domat fan pussibel quai cun realisar localitads novas per l'Archiv Cultural Domat e cun far in Museum da mascaradas Natè. Las stanzas sin il plaunterren duain esser il lieu d'exposiziun e far attent la generaziun giuvna sin questas ovras che vignan gia dapi decennis stimadas da museums naziunals ed internaziunals.
Natè e stà ina gronda persunalitad sin il champ artistic. El vala fitg bler a Domat. Probabel oz dapli che ils temps che el viveva anc.
L'idea da realisar in museum per Natè existia gia dapi ils onns 1960, di Theo Haas. Ussa daventia quella idea dentant finalmain era realitad. Las mascras che vegnan exponidas en il museum derivan da la vischnanca burgaisa, la vischnacna politica ed era da collectaders privats che mettan a disposiziun lur ovras.
-
Bild 1 von 9. Las mascaradas d'Albert Anton Willi, er enconuschent sco Natè, duain survegnir in pitschen museum a Domat. Bildquelle: RTR.
-
Bild 2 von 9. Albert Anton Willi vi da crear novas mascras. Bildquelle: RTR.
-
Bild 3 von 9. Ses process da lavur era fitg creativ. Inspiraziun chattava Natè er da sasez – quai cun far grimassas avant il spieghel e copiar quellas. Bildquelle: RTR.
-
Bild 4 von 9. Mintga mascra da lain è unica ed ha bler caracter. Bildquelle: RTR.
-
Bild 5 von 9. Da fatschas rientas.... Bildquelle: RTR.
-
Bild 6 von 9. .....sur animals..... Bildquelle: RTR.
-
Bild 7 von 9. ....fin da grimassas en differentas colurs da lain. Bildquelle: RTR.
-
Bild 8 von 9. La collecziun e immens diversa. Bildquelle: RTR.
-
Bild 9 von 9. Perquai chatta Theo Haas era, che questas macras meritan dapli exposiziun. En il nov museum vegn vegl e giuven a pudair admirar las ovras creativas da Naté. Bildquelle: RTR.