Chista da fotografias
Cura che sia mamma ha survegnì demenza ed è ida en ina chasa d'attempads, ha la sora da Meinrad Cadruvi chattà ina chista da la mamma, che cuntegneva tranter auter fotografias da classas veglias. Las fotografias han fascinà l'um da 65 onns.
Jau vulev elavurar in cudesch cun las fotografias, cun fatgs istorics davart Ruschein, davart ils abitants e las abitantas.
Viadi da temp
Midadas dal tschientaner
Cun ils onns s'ha midà ina massa. La vistgadira, las expressiuns da la fatscha, la grondezza da las classas, sco er ils nums da las mattas e dals matts.
Las istorgias persunalas m'han fascinà il pli fitg.
Per il mument ha Meinrad Cadruvi vendì tut ils exemplars dal cudesch – la proxima stampada è dentant en planisaziun.