Success vegn darar sulet. In bun management è decisiv. Tar Andri Ragettli fa quel l'entira famiglia. E quai funcziuna. Schizunt meglier che tar il management avant.
Frar, sora, mamma – tuts gidan
En il management d'Andri Ragettli è mo ina persuna externa che fa contracts e guarda per sponsurs. Il rest surprendan Christina, Gian e Bea Ragettli. Mintgin dad els è responsabel per in'autra lavur. Decisiuns impurtantas prendan els ensemen.
Pli diras discussiuns ma dapli sinceradad
Cun la famiglia sappia Andri Ragettli dir sia opiniun pli direct. Sia famiglia chapeschia el meglier ch'insatgi ester ed haja era chapientscha sch'el na vul ina giada betg far insatge. El sappia simplamain esser sincer. Da l'autra vart dettia quai bleras discussiuns che van magari per cor als fragliuns. Ma perquai hajan els era la mamma en il team, che fa dasper la lavur da contabilitad era la lavur dad intermediar.
RR Telesguard 17:40