video
Andriu Deplazes: In purtret da l'artist ch'expona en il Museum d'art dal Grischun
Or da Telesguard dals 12.09.2019.
laschar ir. Durada: 3 minutas 50 Secundas.
Andriu Deplazes è pront per ina da sias grondas exposiziuns fin ussa. Davent dad ussa stoppian ses maletgs dentant surviver sez, manegia l'artist giuven. Andriu Deplazes ed ina collecziun da sias ovras stattan uss en il center d'ina sala dal Museum d'art Grischun. L'artist sez na sa metta dentant betg gugent en il center.
Jau sun lura era cuntent cura ch'jau poss returnar en mes atelier e lavurar per mamez senza ch'insatgi observa mai
Premi d'art Manor
Andriu Deplazes ha gudagnà il premi d'art Manor ch'è dotà cun 15'000 francs. Quai è in dals pli grond premis da promoziun d'art en la scena d'art Svizra. Tras quai premi ha Andriu Deplazes era survegnì la chaschun d'exponer ses art en il Museum d'art Grischun. La vernissascha è ils 13 da settember e l'exposiziun cuzza anc fin il schaner 2020.
TR Telesguard 17:40