Siglir tar il cuntegn

Header

Navigaziun

La victura dal Kikeri6 Anita Lötscher flancada da la moderatura Georgina Janki e dal moderatur Rafael Müller.
Legenda: La victura dal Kikeri6 live tar RTR – Anita Lötscher flancada da la moderatura Georgina Janki e dal moderatur Rafael Müller. RTR
cuntegn

Grischun Anita Lötscher ha «piclà» tut ils bons dal «Kikeri6»

Sonda, ils 29 da zercladur ha Anita Lötscher svidà il jackpot dal gieu da la damaun «Kikeri6». Tut en tut ha ella gudagnà 122 bons dal Volg en ina valita da 1'220 francs.

Ch’il ballapedist svizzer Breel Embolo mida da Schalke tar Mönchengladbach ubain che la citad da Turitg ha installà da nov in telefon da chalira, quai ed auter ha Anita Lötscher da Sagogn savì.

Ed ella ha er gì il nas fin e savurà las traplas da las moderaturAs. Uschia ha ella dumagnà tut las quatter rundas e gudagnà il jackpot dal Kikeri 6, il gieu da la damaun dal Radio Rumantsch.

Cordiala gratulaziun!