L'anteriur cusseglier guvernativ dal Grischun Klaus Huber è mort la gievgia cun 83 onns. L’annunzia da mort è cumparida oz en las gasettas da Somedia. Huber è stà commember da la regenza dal 1995 fin il 2004. Il 1999 ed il 2004 è el stà president da la regenza. Durant sia carriera guvernativa, ha il politicher da la PPS manà il departament da l'intern e d'economia publica.
Pli aut Grischun
Cumenzà sia carriera politica ha l’agronom il 1975 sco deputà en il Cussegl grond. Il 1988 è el vegnì elegì sco president dal Cussegl grond ed è uschia stà il pli aut Grischun.